الدياسطي سمير رئيساً لمصر 2011

http://www.facebook.com/group.php?gid=143136832391174

الحملة الشعبية المستقلة لدعم ترشيح الدياسطي لرئاسة الجمهورية 2011

الدياسطي سمير ... امل مصر في التغيير

من واقع الحال السياسي المصري

أنت أكيد في ابوعجوة ...

أكيد اللي كاتبها مش واثق من نفسه

أكيد كاتبها علشان الحسد

الفرع الجديد لجوجل في المزاريطة

طيب البنزين وعرفنا هايمون الحمار ازاي ... بس المشكلة لو حب يغير زيت

يا بلدنا مانتيش عاجباني (الجزء الأول ) ... بقلم الدياسطي سمير

يابلدنا مانتيش عاجباني

ريس حلنجي وشراني

خسيس ورمة وأناني

وحكومتة قاسية وظالماني

وعصابته مجرمة سارقاني

جيشه مفروض يحميني

جابه وعمله سجاني

يابلدنا مانتيش عاجباني

-------

بتباني دكر مع  اولادك

و نتاية مع ناس تانيين

هانوكي واغتصبوا جنابك

برضاكي زرعوكي في الطين

ولما ييجي وقت مخاضك

بالرخص هايروحوا بايعين

قسما بربي وايماني

يابلدنا مانتيش عاجباني

---------

قالوا زمان كان فيه دوار

غفر وعمدة وهليلة

دلوقتي قال سابوا الدوار

لجعر أجره بالليله

يسرق وينهب في المخاليق

وسويسرا بتفوز بالشيلة

وانا باعضعض في حيطاني

يابلدنا مانتيش عاجباني

--------

مابقتش لاقي اللضا فيكي

بعت المداس ومشيت حافي

بادعي عليهم وعليكي

وديوني راكبة على اكتافي

غرقت وضاعت مجاديفي

وباقول يارب انت الكافي

وحكومة قال ايه بتستهبل

و تلومني وتلوم ( اسرافي )

---------

و ( الغالي) يابلدنا السمسار

جزار ماسكنا للمناشير

نهبوا شقانا وارزاقنا

وجتتنا نهشت فيها الطير

ترزي وحرامي من الشطار

مظلوم ياعيني كمنه وزير

كان حقه يبقى الزير نفسه

مش كوز ومتعلق في الزير

*********

الدياسطي سمير ... أمل مصر قي التغيير

اه يابلد ...

يا بلدنا مالك كدا ...

فقرية من يومك

فيكي الدهب بالقفف ...

و مقطعة هدومك

عايمة في خير النيل ...

غرقانة في ديونك

*****

واحترت في المصري ...

العايم على عومك

هو سبب وكستك ...

شوكة في علقومك

شارد على سكتك ...

ظالمك...  و مظلومك

الدياسطي سمير ... امل مصر في التغيير

الدياسطي سمير ... أمل مصر في التغيير

ناس كتير بتحلم بالتغيير .. والكل بيتكلم والكل بيرشح .. حملات لدعم البرادعي وتانية لدعم جمال مبارك وحمدين صباحي وايمن نور .. وعلشان العالم من ساعة ما بقي قرية صغيرة زي بورتو ابو عجوة كدا ... كل واحد عنده شوية اقتناع بحد تاني بيعمله حملة ويرشحه للرئاسة .. فيه ناس رشحوا عمرو خالد ... وناس تانية رشحوا تامر حسني ... وناس رشحوا روبي ...

انا قررت ارشح نفسي للرئاسة وده مش عشاني .. ده عشان كل اهل مصر وعشان انقل التجربة الناجحة من بورتو ابوعجوة لجميع قرى ومدن مصر .... وربنا يوفقنا جميعا

الدياسطي سمير ... أمل مصر في التغيير